Sumarnámskeið 2019

Klifurhúsið heldur heilsdags vikulöng sumarnámskeið fyrir krakka á aldrinum 6-12 ára. Námskeiðin eru frá 11.júní-16.ágúst. Markmið námskeiðsins er að kynna stelpum og strákum fyrir klifuríþróttinni og njóta útiveru.

Uppbygging

Námskeiðið hentar bæði byrjendum og þeim sem hafa komið síðustu sumur eða verið að æfa í vetur. Við bjóðum upp á bæði grunnnámskeið og framhaldsnámskeið og svo æfingarbúðir fyrir 11-12 sem eru á reglulegum æfingum yfir veturinn.

Allir dagar byrja og enda í Klifurhúsinu, en námskeiðið fer samt að mestu fram úti í Laugardalnum, Öskjuhlíðinni eða nálægum stöðum. Þangað er ýmist gengið eða farið með strætó. Dagarnir byrja á leikjum og klifuræfingum, áður en haldið er í útiklifur eða útileiki.

Kynntar eru helstu gerðir klifuríþróttinnar: grjótglíman og línuklifrið sem báðar er hægt að stunda bæði innandyra og utan. Þátttakendur kynnast helsta búnaði klifurheimsins á meðan þau njóta útiverunnar og leika sér.

  • Námskeiðin hefjast alla daga kl. 9 og eru til 16
  • 3 holl af nesti þarf yfir daginn
  • Þægilegan íþróttafatnað og útiföt eftir veðri
  • Góðan bakpoka
  • Sundföt og handklæði fyrir föstudag
  • Nánar um dagskrána hér til hliðar í handbókinni

Gæsla fyrir og eftir:

  • Boðið er upp á gæslu frá 8:30 og milli 16-17 fyrir og eftir námskeiðið
  • Verð fyrir þjónustuna er : 2.500 kr aukalega

Tímasetningar

 

Verð og greiðslumáti

Afsláttur

  • 20% systkinaafsláttur er veittur (ath. aðeins er veittur afsláttur á annað barnið)
  • Börn sem eiga árskort fá 30% afslátt

Innifalið

  • Grillveisla á föstudegi: Pylsa og safi
  • Leiga á klifurbúnaði (hjálmur, kalk, klifurbelti og klifurskór)

Skráning fer fram hér

Screen Shot 2015-04-13 at 14.00.47