Handbók fyrir sumarnámskeið barna

Sumarnámskeið í Klifurhúsinu 2020

  • Börnin mæta alltaf kl 9:00 í Klifurhúsið, Ármúla 23 bakhús (gengið er inn á hlið hússins) og enda daginn þar, ætlast er til þess að allir séu sóttir tímanlega kl. 16:00
  • Hægt er að greiða aukalegu fyrir gæslu frá kl 8:00-9:00 og frá 16:00-17:00

Dagskrá:

Dagskráin er spiluð eftir veðri og getu hópsins, en ef að það rignir mikið er meiri áhersla lögð á inniklifur, æfingar og leiki þar.

Börnin byrja alltaf daginn á frjálsu klifri og æfingu, áður en dagskrá dagsins hefst!

Mánudagur: Farið er með hópinn í leiki og hópeflingu á leikjasvæðinu við Laugalækjarskóla.

Þriðjudagur/fimmtudagur: Farið verður með hópinn (það fer eftir veðri) út í klettaklifur í Öskjuhlíðinni. Þann dag sem veður er ekki ákjósanlegt er innidagur, þá förum við í stöðvar í Klifurhúsinu þar sem krakkarnir læra að klifra í línu, gera hnúta og ýmislegt fleira tengt klifri.

Miðvikudagur: Hópurinn fer saman í Fjölskyldu- og húsdýragarðinn, fyrst er farið að skoða dýrin og síðan í leiki í garðinum sjálfum.

Föstudagur: Föstudagsdagskráin okkar er alltaf stútfull af skemmtilegheitum! Við horfum á bíómynd saman, grillum pylsur í hádeginu, setjum upp aparólu inni í Klifurhúsinu sem börnin fá að renna sér eftir og eigum glaðan lokadag saman!

Útbúnaðarlisti:

  • Þægileg æfingarföt
  • Hlýjan yfirfatnað eftir veðri (námskeiðið er mikið úti).
  • 3 holl nesti
  • Þæginlegur bakpoka
  • Sundföt og handklæði fyrir síðasta daginn en við buslum saman í heimatilbúnum heitum pottum fyrir aftan húsið

Búnaður sem allir fá að láni:

  • Klifurskó
  • Klifurbelti
  • Kalk
  • Hjálmur
  • Allur annar búnaður sem þarf

Annað

Vegna þess hversu mikið námskeiðið fer fram úti er einnig rætt um virðingu fyrir náttúrunni og mikilvægi þess að taka allt rusl með sér aftur tilbaka svo eitthvað sé nefnt.

Ath: Síðasta daginn er grillveisla og grillaðar eru pylsur og djús eða kókómjólk með, þá þarf aðeins 2 nesti.