Sumarnámskeið 2021

Vika af fjöri og ævintýrum!

Sumarnámskeið Klifurhússins er vikulangt námskeið fyrir krakka á aldrinum 6-12 ára. Dagarnir byrja kl. 9 og enda kl. 16 en Klifurhúsið hefur undanfarin ár unnið markvisst að því að námskeiðið sé skipulagt með þeim hætti að krakkarnir njóti sín sem best.

Á námskeiðinu fá krakkarnir tækifæri til að kynnast klifuríþróttinni á sama tíma og þau njóta þess að vera útivið. Meðal annars þá klifra þau inni og úti, heimsækja dýrin í Húsdýragarðinum, taka strætó í Öskjuhlíðina, halda pottapartý og læra að gera hnúta.

Nánari lýsingu á hverjum degi fyrir sig má finna í “Handbókinni” hér vinstra megin á síðunni.

Screen Shot 2015-04-13 at 14.00.47

Uppbygging

Námskeiðið hentar bæði byrjendum og þeim sem hafa komið síðustu sumur eða verið að æfa í vetur.

Allir dagar byrja og enda í Klifurhúsinu, en námskeiðið fer samt að mestu fram úti í Laugardalnum, Öskjuhlíðinni og nálægum stöðum. Þangað er ýmist gengið eða farið með strætó. Dagarnir byrja á leikjum og klifuræfingum, áður en haldið er í útiklifur eða útileiki.

Kynntar eru helstu gerðir klifuríþróttarinnar: grjótglíman og línuklifrið sem báðar er hægt að stunda bæði innandyra og utan. Þátttakendur kynnast helsta búnaði klifurheimsins á meðan þau njóta útiverunnar og leika sér.

  • Námskeiðin hefjast alla daga kl. 9 og eru til 16
  • 3 holl af nesti þarf yfir daginn
  • Þægilegan íþróttafatnað og útiföt eftir veðri
  • Góðan bakpoka
  • Sundföt og handklæði fyrir föstudag (fyrir pottapartý í Klifurhúsinu)
  • Nánar um dagskrána hér til hliðar í handbókinni

 

Gæsla fyrir og eftir:

  • Boðið er upp á gæslu fyrir og eftir námskeiðið: frá 8:00 og milli 16:00-17:00
  • Verð fyrir gæsluna er: 2.500 kr.

Tímasetningar

Verð og greiðslumáti

  • Hvert námskeið kostar 29.000 kr. (eða 23.200 kr. þær vikur sem það er 4 dagar vegna frídaga).
    • Í verðinu felst 35 klst námskeið, strætóferðir í útiklifur, ferð í Fjölskyldu- og húsdýragarðinn, leiga á klifurbúnaði (hjálmur, kalk, klifurbelti og klifurskór) og pylsupartý á föstudeginum.
  • Vakin er athygli á því að Klifurfélag Reykjavíkur getur ekki fellt niður eða endurgreitt námskeiðsgjöld eftir að námskeið er hafið.

Afsláttur

  • 20% systkinaafsláttur er veittur (ath. aðeins er veittur afsláttur á annað barnið)
  • Börn sem eiga árskort fá 30% afslátt

Skráning fer fram í gegnum NÓRA:

Nóra Leiðbeiningar

Screen Shot 2015-04-13 at 14.00.47