BÓKANIR

Klifurhúsið er með tvo klifursali, einn í Ármúla 23 og einn í Ármúla 21. Afmælið fer fram í Litla salnum í Ármúla 21 sem er hannaður fyrir börn og ungmenni ásamt fullorðnum sem eru að stíga sín fyrstu skref í klifri. Salurinn er einnig notaður fyrir æfingar og skólaheimsóknir.

Afmælið er án starfsmanns en við komu fáið þið leiðbeiningar um salinn í afgreiðslunni í Ármúla 23. Ef eitthvað kemur upp á meðan afmælinu stendur er alltaf hægt að leita til okkar þar.

Afmælistíminn er 90 mínútur og hefst á þeim tíma sem bókunin segir til um Það er þó ekkert mál að koma 15 mínútum fyrr til að undirbúa veitingar og koma ykkur fyrir. Þið komið með eigin veitingar en plastdiskar, plastglös, hnífapör og vatnskönnur eru á staðnum. Hámarksfjöldi er 25 gestir sem miðast við sætafjöldann í veitingasalnum. Við biðjum ykkur bara um að virða bókaðan tíma og skilja salina eftir eins og tekið var við þeim.

Það er ekkert aldurstakmark en salurinn hentar best börnum 5 ára og eldri. Fyrir yngri börn mælum við með að nokkrir fullorðnir séu með til að aðstoða við klifrið.

Ef eitthvað kemur upp er alltaf hægt að kíkja í afgreiðsluna í Ármúla 23 eða hringja í afgreiðsluna í síma 553-9455.