Nú er kominn tími til að þrífa svefnpokan, yfirfara tvistana sína, fara í geymsluna til að finna gamla ghettoblasterinn, allt gamla Vanilla Ice safnið og fara svo í spandex gallann, því nú er komið að þriðja Hnappavallarmaraþoninu.
Mótið verður haldið helgina 9. til 11. júlí, ef veður leyfir. (Næsta helgi þar á eftir til vara)
Ghettoblasterþema
Allir mæta með gamlan ghettoblaster, iPod hátalara (og iPod) eða eitthvað annað sem býr til hljóð. Tónlist mun óma um víðan Hnappavöll á meðan klifrað er.
Markmiðið er að hafa sem fjölbreyttustu tónlistina: teknó tjúll, metal mengun eða gamlir ástarsöngvar - allt leyft!
Kosið verður um bestu tónlistina eða tónlistarkonsept liðs og veitt verða verðlaun fyrir!
ATH: Hljómflutningstæki úr bíl eru ekki tekin gild.
2ja manna liðakeppni
- Þetta árið er keppt í tveggja manna liðum. Keppt er um stig eftir sama kerfi og var í fyrra og það lið sem endar með flest stig vinnur til verðlauna.
- Allir þátttakendur þurfa að vera í liði
- Nánar um stigagjöf (PDF)
Dagskrá og tími
- Dagskráin fer öll fram á laugardeginum.
- Klifrað verður frá 09:09 til 21:21
- Kl 22:22 verða úrslit, partý og heimsmeistarakeppnin í veiðimann.
Skráning
- Þátttökugjald er kr 1.000 og greiðist á staðnum eða með því að millifæra á reikning Klifurfélags Reykjavíkur: Rnr: 111-05-274410, Kt: 410302-3810 - skýring: “hnappóþon”
- Innifalinn er kvöldmatur, jöklaís, kaffi og kakó, osfrv.
- Skráning fer fram í gegnum e-mail á klifurhusid@klifurhusid.is og á skráningarblaði á vegg í Klifurhúsinu.
Kamargjald
Kamargjald verður innheimt þessa helgi. Það hefur verið hækkað úr 500 kr fyrir sumarið í 1000 og er það nýtt í kaup á boltum, akkerum og augum til viðhalds á Hnappavöllum ásamt viðhaldi á kamar og borðum, uppbyggingu á tóftinni osfrv. Einnig er hægt að greiða fyrirfram inn á reikning Klifurfélags Reykjavíkur: Rnr: 111-05-274410, Kt: 410302-3810, Skýring: “Kamar”Ef einhverjar spurningar, athugasemdir, hugmyndir eru, þá er hægt að hafa samband við klifurhusid@klifurhusid.is.