ÍÞRÓTTASKÓLI KLIFURHÚSSINS

Íþróttaskóli Klifurhússins er hugsaður fyrir börn á aldrinum 3 til 6 ára. Markmiðið er að ýta undir almennan hreyfiþroska, líkamsvitund, sjálfsöryggi og leikgleði og kynna krökkunum fyrir klifri.

Æfingarnar fara fram á sunnudögum í Litla salnum í Ármúla 21. Salurinn er með mjúkri dýnu undir klifurveggjunum sem tekur vel á móti falli. Meðfylgjandi myndir sýna salinn og klifuraðstöðuna. Foreldrar eru eru hvattir til að taka virkan þátt á æfingunum, sérstaklega með yngstu börnunum, frábært tækifæri til að hreyfa sig, leika og prófa klifur saman! Fyrir þá foreldra sem vilja frekar fylgjast með eru klappstólar við salinn svo hægt sé að setjast niður á meðan æfingu stendur.