Mótaröð Klifurhússins

Klifurhúsið hefur á hverjum vetri staðið fyrir mótum í grjótglímu. Það eru haldin 4 mót á hverjum vetri – tvö fyrir jól og tvö eftir jól.

Þegar þessi mót eru haldin eru allar leiðir teknar niður og settar alveg nýjar í staðinn, svo keppendur keppa eingöngu á nýjum óklifruðum leiðum.

Þessi mót gerast yfir eina helgi og oftast er dagskráin sú sama:

• Á föstudegi er venjulegur opnunartími, en um kvöldið eru festur þrifnar og teknar niður – sem flestir eru hvattir til að koma og taka þátt í þessu – þú ert velkomin(n)!
• Á laugardegi er Klifurhúsið lokað og þá er leynisveit reyndra klifrara fengin til að setja upp ógurlegar nýjar leiðir fyrir mótið.
• Á sunnudegi er síðan sjálft mótið haldið.

Aldursflokkar

Það er alltaf keppt í þremur aldursflokkum, bæði hjá stelpum og strákum:

• 16 ára og eldri
• 13-15 ára
• 12 ára og yngri

Íslandsmeistaramót í grjótglímu

Bestu þrjú mót hvers þátttakanda telja sem stig að Íslandsmeistaratitli í grjótglímu. Í raun eru því þessi þrjú mót í leiðinni keppni um íslandsmeistaratitilinn.

Mótadagskrá

• Mót 1: 25.  september
• Mót 2: 20. nóvember
• Mót 3: 22. janúar
  
• Stökkmót: Miðvikudaginn 11. febrúar
• Mót 4: 25. Mars
• 
  

Hvert mót hefst á klukkustundar löngu móti fyrir 12 ára og yngri frá kl. 14-15. Krakkarnir keppa í sömu þrautum og þeir eldri, auk fjögurra sérsmíðaðra krakkaþrauta (merktar bókstöfunum A, B, C og D).

Því næst tekur við 2 klst. langt mót fyrir eldri aldurshópa. Á mótunumum glíma þátttakendur við 20 klifurþrautir og halda sjálfir utanum sín stig.