Línuklifur æfingar

Æfingarnar eru fyrir alla sem hafa einhverja reynslu af leiðsluklifri og vilja bæta sig, hvort sem þeir eru byrjendur eða lengra komnir. Frábært tækifæri fyrir þá sem vantar klifurfélaga eða vilja undirbúa sig fyrir útiklifur í sumar. Það er ekki krafa að vera með gilt línuklifurskort þar sem æfingarnar eru undir leiðsögn þjálfara en nauðsynlegt er að hafa einhverja reynslu af línuklifri.

Markmið æfinganna er að hafa skemmtilegt og uppbyggjandi klifur í góðum hópi með reynslumiklum leiðbeinanda. Unnið verður með tækni í leiðsluklifri og að tryggja með sjálflæsandi tryggingartóli. Lögð er áhersla á að efla sjálfstraust í leiðsluklifri og boðið verður upp á valkvæða æfingu í að detta í leiðslu. Unnið verður með þema í hverri viku en einnig verður tími fyrir frjálst klifur.

Æfingarnar eru haldnar í Miðgarði (Vetrarbraut 18, 210 Garðabær) og veita aðeins aðgang að Miðgarði á æfingatímanum.

Æfingarnar standa yfir í 6 vikur alla miðvikudaga klukkan 19:00 til 21:00.

Næsta lota hefst 18.febrúar og stendur yfir þar til 25.mars, 2026.

Hámarksfjöli þáttakenda eru 8 aðilar og lágmarksfjöldi þátttakenda eru 6 aðilar. Námskeið fæst aðeins endurgreitt ef lágmarksþáttöku er ekki náð eða ef iðkandi forfallast vegna slysa eða veikinda.

Þeir sem eru með þriggja mánaða kort eða meira í Klifurhúsið og/eða í Miðgarð fá 50% afslátt á námskeiðið. Vinsamlegast sendið tölvupóst á klifurhusid@klifurhusid.is til að virkja afsláttinn.

Skráning er hér fyrir neðan.